inscrición colexios
inscrición colexios
RUMBO CARA Á EDUCACIÓN FINANCEIRA
EXPOSICIÓN INTERACTIVA
  • 8 abr 2026 - 15 set 2026.
    HORARIO: luns a venres de 17.30 a 20.30 h. sábados de 12.00 a 14.00 h e de 17.30 a 20.30 h. Domingos pechado.
  • Centro Obra Social ABANCA Santiago de Compostela

Aquí comeza a túa viaxe

Unha aventura cara ao teu benestar financeiro comeza aquí.

Déixame que me presente: son Ulises, rei de Ítaca. Durante anos surquei mares incertos, enfrontei tempestades, resistín os cantos de sereas tentadoras e superei retos imposibles. Pero o que realmente aprendí nesa viaxe non foi só sobrevivir, senón xestionar con sabedoría os recursos, planificar cada paso e entender que a maior conquista é acadar o equilibrio.

Hoxe, ti tomas o timón.

Non partirás cara á Ítaca dos mapas, senón cara a un destino aínda máis valioso: o teu benestar financeiro.
Ao longo deste percorrido, navegarás entre conceptos clave como o aforro, o investimento ou a xestión das emocions nas decisións financeiras. Cada parada, cada decisión, achegarate a comprender mellor como construír unha vida económica máis consciente, sostible e libre.

  • No canto de monstros mariños, agárdante dilemas cotiáns.
  • No canto de feitizos, ferramentas prácticas.
  • E no canto de espadas, o coñecemento.

Como en toda boa odisea, reflexionar antes de actuar será a túa mellor aliada.

Prepárate para unha viaxe emocionante, reveladora e profundamente útil.

Dámosche a benvida a ÍTACA. A túa viaxe comeza agora.

Unha viaxe mitolóxica cara ao coñecemento financeiro

A exposición Ithaca: A Journey Through Financial Education é unha experiencia inmersiva e sensorial que transforma a aprendizaxe económica nunha aventura inspirada na Odisea de Homero.

A través de metáforas mitolóxicas e personaxes clásicos, os visitantes enfróntanse a retos financeiros cotiáns como o gasto impulsivo, a falta de aforro e as decisións de investimento.

Todo isto, nun percorrido deseñado para espertar a curiosidade, fomentar a reflexión e reforzar competencias esenciais para a vida.

Tecnoloxía + emoción =
aprendizaxe activa

A mostra combina narrativas visuais, escenografías impactantes e elementos interactivos baseados en intelixencia artificial, realidade aumentada, efectos especiais e gamificación educativa. Os visitantes non só observan: participan, resolven desafíos e toman decisións que afectan o resultado da súa viaxe cara a Ítaca.

A quen vai dirixida?

ÍTACA está pensado para o público en xeral, con entrada de balde no horario de apertura do Centro Obra Social ABANCA.

Tamén se ofrecen visitas guiadas para grupos ou actividades para escolares , que podes reservar na seguinte ligazón:

CONSULTA AS ACTIVIDADES PARA ESCOLARES
Pola mañá, a exposición adáptase a centros educativos, con actividades guiadas pensadas para os distintos niveis escolares. É unha ferramenta poderosa para traballar a educación financeira de forma transversal, lúdica e significativa, tanto de forma individual como familiar ou como parte dunha actividade didáctica escolar.

Cando e onde?

  • A exposición estará en Compostela ata o 15 de setembro de 2026
  • Estará aberto ao público con horario adaptado para visitas escolares e familiares.

A experiencia ÍTACA

Cinco DESAFÍOS, un destino: a túa estabilidade financeira

O percorrido está dividido en espazos que recrean momentos clave da viaxe de Ulises. Cada un está asociado a un reto financeiro que ti tamén enfrentas na túa vida real.

1. A illa dos Lestrigóns: a inflación, a ladroa silenciosa

Como os xigantes que destruían as naves de Ulises, a inflación devora o teu poder adquisitivo sen avisar. Aquí aprenderás como identificala, prevela e protexerte dos seus efectos.

2. A illa de Eolo: o odre dos ventos

Os ventos son como os mercados financeiros: cambiantes, imprevisibles e poderosos. Coñecer as súias forzas permitirache entender como afectan os teus aforros, préstamos e investimentos.

3. Navegando entre Escila e Caribdis: xestionar os riscos

As finanzas están cheas de ameazas visibles e invisibles. Este módulo reta a anticiparte e mitigar os riscos persoais, económicos e globais que poden desestabilizar a túa vida financeira.

4. Atención navegantes!: a viaxe vólvese dixital

No mundo actual, os datos son o novo tesouro e os piratas informáticos acechan en cada recuncho. Aquí descubrirás como defender o teu patrimonio dixital ante fraudes, ciberestafas e suplantacións.

5. A Ágora de Ítaca: decisións racionais vs. emocións

As túas decisións económicas están influídas por sesgos, impulsos e emocions. Este espazo invita a reflexionar e a desenvolver ferramentas para pensar con claridade e avanzar cara á túa Ítaca financeira.

Actividades interactivas e gamificadas

Cada módulo inclúe desafíos gamificados, simuladores, minixogos e ferramentas que fan da aprendizaxe unha experiencia activa.

Os visitantes poden comparar as sùas eleccións coas doutros, reflexionar en familia e levar ideas útiles para aplicar no día a día.

Actividades interactivas e gamificadas

Cada módulo inclúe desafíos gamificados, simuladores, minixogos e ferramentas que fan da aprendizaxe unha experiencia activa. Los visitantes pueden comparar sus elecciones con las de otros, reflexionar en familia y llevarse ideas útiles para aplicar en su día a día.

Actividades interactivas e gamificadas

Cada módulo inclúe desafíos gamificados, simuladores, minixogos e ferramentas que fan da aprendizaxe unha experiencia activa.

Os visitantes poden comparar as sùas eleccións coas doutros, reflexionar en familia e levar ideas útiles para aplicar no día a día.

Explora un adianto de ÍTACA

Tes algunha dúbida sobre ÍTACA?

  • 981 552 577
  • areaeducativacompostela@afundacion.org
  • Centro Obra Social ABANCA